Sulmohen 3 policë kosovarë, marrin tretman mjekësor

Ata u sulmuan në qytete të ndryshme

Në Ferizaj, Prishtinë dhe Prizren gjatë ditës së djeshme ka pasur sulme ndaj personave zyrtarë.

Në Ferizaj një i dyshuar kishte sulmuar zyrtarët policorë, ku dy nga ta kishin mbetur të lënduar andaj u detyruan të marrin tretman mjekësor, po ashtu edhe i dyshuari, shkruan Indeksonline, përcjell albinfo.ch.

Kurse në Prishtinë po ashtu një i dyshuar kishte sulmuar një zyrtar policor, i cili ishte në kryerje të detyrës zyrtare, por me vendim të prokurorit i dyshuari është lënë në procedurë të rregullt.

Polici tjetër që u sulmua në vendin e tij të punës ishte në Prizren, i cili pas sulmit ka pranuar tretman mjekësor, ndërsa i dyshuari është dërguar në mbajtje.

---