Kosova
Për çfarë janë përgjegjëse trupat zvicerane në Kosovë
Trupat zvicerane në Kosovë: përgjigje për pyetjet më të rëndësishme. Cilat janë detyrat e ushtarëve zviceranë në krizën që po kalon Kosova?

Dhuna e ushtruar nga ekstremistë serbë mbi pjesëtarët e KFOR-it, në veriun e Kosovës ka shqetësuar edhe qytetarët zviceranë, shkruan albinfo.ch. Kjo ndodh për fakt se Zvicra ka një kontingjent ushtarësh të stacionuar në kuadrin e KFOR-it në Kosovë por dhe për faktin se në Zvicër jeton një komunitet i madh kosovar/shqiptar.
Për këtë arsye, transmetuesi publik i Zvicrës, SRF ka bërë, me pak rreshta, një përshkrim të karakterit të angazhimit të Swisscoy-t në Kosovë.
Cilat janë detyrat e trupave të Zvicrës në Kosovë? Gjithsej 195 ushtarë, sa janë në mision, kanë dy detyra kryesore: Njëra është përpunimi i informacionit – d.m.th. mbledhja e informacionit dhe më pas informimi i popullatës për situatën dhe sigurinë në zonën në fjalë. Ndërsa detyra e dytë kryesore përfshinangazhimin për garantimin e lirisë së lëvizjes.
Si garantohet liria e lëvizjes? Këtu bëhet fjalë kryesisht për bllokimet e rrugëve. Detyra e ushtarëve të Swisscoy është të kontrollojnë nëse rrugët në zonë janë lirisht të kalueshme dhe në rast se jo, të heqin ndonjë pengesë.
Për çfarë nuk janë përgjegjës trupat zvicerane? Ushtarët nuk duhet të ndërmjetësojnë në mënyrë aktive në konflikte, transmeton albinfo.ch. Kjo ishte, për shembull, detyra e atyre ushtarëve të NATO-s të cilët u sulmuan nga demonstruesit serbë në qytetin e Zveçanit në fillim të javës (ushtarët italianë dhe hungarezë).
A do ta zgjasë sërish Parlamenti i Zvicrës zgjatet misionin e Swisscoy? Në sesionin aktual të verës, më 15 qershor, Dhoma NAcionale e Parlamentit o të vendosë nëse do të zgjasë dislokimin deri në vitin 2026. Dhoma e Kantoneve e kishte miratuar tashmë këtë në pranverë. SVP po lufton kundër zgjatjes së mëtutjeshme, përcjell albinfo.ch. Ajo e argumenton këtë me neutralitet dhe me arsyetimin se ka frikë se ushtarët zviceranë mund të detyrohen të hyjnë në konflikt nëse situata në terren përshkallëzohet.
E-Diaspora
-
Nëntë kompani të IT-së nga Kosova, në panairin “DMEXCO 2023” në Gjermani Mësohet se Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e...
-
Cyrih: Inxhinieri shqiptar, emër suksesi në kompaninë e njohur “Terra Vermessungen” AG
-
WORKSHOP PËR PËRGATITJEN E PENSIONIT
-
Francë: Regjisorja dhe aktorja shqiptare që përmes filmave i jep zë Kosovës
-
Gramoz Krasniqi, me aftësi të kufizuara, yll në skenat gjermane
Jeta në Austri
-
Ndryshojnë tarifat për vinjetën e automjeteve në Austri Njerëzve që lëvizin nëpër rrugët në Austri u është dashur të blejnë një vinjetë me pagesë...
-
Tenori Ismet Vejseli nga Kumanova shpërblehet në Vjenë me çmimin “Silver Award”
-
Vjenë: “Wien Energie” ul çmimet e rrymës dhe gazit – oferta vlen vetëm edhe sot, më 20 shtator
-
Donis Avdijaj shënon dy gola në kampionatin austriak
-
Përse produktet shqiptare nuk gjenden në marketet austriake?