Bota
Pentagoni ndanë 3.6 miliardë dollarë për ndërtimin e murit me Meksikën
Ligjvënësit amerikanë kanë thënë përmes një shkrese se të hollat do të ndahen për ndërtimtari, andaj 127 projekte ushtarake do të jenë në pritje
Sekretari amerikan i Mbrojtjes, Mark Esper, ka ndarë 3.6 miliardë dollarë nga fondet e Pentagonit, të cilat do të dërgohen për të ndihmuar murin mes Shteteve të Bashkuara dhe Meksikës.
Ligjvënësit amerikanë kanë thënë përmes një shkrese se të hollat do të ndahen për ndërtimtari, andaj 127 projekte ushtarake do të jenë në pritje.
Ndërtimi i murit kufitar ka qenë një zotim i madh në fushatën e presidentit amerikan, Donald Trump, i cili është përballur me kundërshtime të mëdha nga opozita.
Qasja e ashpër ndaj migrimit përbën pikë të fortë të Trumpit edhe në fushatën për rizgjedhje si president.
Në letrën e Sekretarit Esper nuk është përmendur “muri”, mirëpo ndalesat kufitare pritet të përmenden nga Trumpi si të dhëna të përparimit për zotimin që ka bërë.
Në muajin korrik, Gjykata Supreme ka thënë se gjendja e emergjencës kombëtare që ka shpallur presidenti amerikan i lejon atij të marrë 2.5 miliardë dollarë nga fondet për mbrojtje, ashtu që të krijojë murin, teksa ky rast shqyrtohet në gjykatë.
Sekretari Esper nuk ka treguar se cilat projekte ushtarake do të jenë në mbajtje, mirëpo një zëdhënës i Pentagonit ka thënë se rreth gjysma e të hollave do të vijnë nga projekte e brendshme.
Demokratët kanë thënë se përmes këtij veprimi, administrata e Trumpit po synon të zvogëlojë rolin e Kongresit në krijimin e buxhetit për agjencitë qeveritare.
Unioni Amerikan për Liri Civile ka premtuar se do të tentojë që përmes një urdhri të gjykatës “të ndalojë abuzimet e presidentit që përmes fuqive emergjente të sigurojë fonde për një mur që e ka kundërshtuar Kongresi”, përcjell Albinfo.ch.
Të ngjashme
Të tjera nga Bota
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri