Pensionohet gjyqtari shqiptar nga Zvicra, Bekim Zogaj

Gjyqtari i njohur shqiptar, Bekim Zogaj, është pensionuar, por bëhet me një punë të re

Lajmin e ka bërë të ditur vetë referi anësor përmes rrjeteve sociale, Bekim Zogaj, shkruan albinfo.ch.

Zogaj ishte pjesë e Federatës së Zvicrës dhe së fundmi mori pjesë edhe në Euro 2024.

Ai ka marrë një ofertë nga Federata “helvetike” për të punuar si zëvendësshef i gjyqtarëve.

“Çdo gjë ka një fund. Edhe karriera ime si gjyqtar (asistent). Ishte një rrugëtim i jashtëzakonshëm, ndeshje në Euro 2024, në Champions League, Europa League, Conferencë League, Nations League edhe në shumë kampionate të tjera.

“Pas kampionatit Evropian (Euro 2024), Federata Zvicerane më ka ofruar një pozitë si zëvendësshef i gjyqtarëve dhe dhef i asistentëve në futbollin profesional të Zvicrës. Nga data 1.10.2024 do ta marr ketë detyrë. Paraqitjet në Euro 2024 ishin ndeshjen e mia të fundit në arenën ndërkombëtare. Në futbollin zviceran do të vazhdoj deri më 30.9.2024.

“Dua ta falënderoj familjen, Federatën Zvicerane, Sandro Schärer dhe koleget e tjerë për përkrahjen e tyre gjatë këtyre 14 vjetëve në futbollin elitar. Një falënderim edhe për të gjithë ju, që më keni shkruar, respektuar, motivuar dhe kritikuar, edhe këshilluar gjatë këtij rrugëtimi të shkëlqyeshëm”, ka shkruar Zogaj. /Albinfo.ch

 

---