Turizëm
“Pema e Thatë”, plazhi që i pret turistët për ta eksploruar
Plazhi është i vogël, por uji është i pastër si kristali dhe jo shumë i thellë. Kjo sidomos preferohet nga familjarët për shkak të fëmijëve. Rëra e imtë është një tjetër pasuri e këtij plazhi, ku thuajse të gjithë mbeten të mrekulluar
Ksamili është i pasur me plazhe fantastike. Secili më i mirë se tjetri, ku asnjërin nuk mund të dallosh. Por, është një plazh që nuk është shumë i njohur për turistët e huaj, derisa vendasit i thonë “Pema e Thatë”. Për t’u njohur më shumë rreth këtij plazhi të mrekullueshëm duhet folur me vendësit, që e njohin më mirë, ashtu siç na informuan edhe neve (ekipin e albinfos).
Plazhi “Pema e Thatë” ndodhet afër Ksamilit (rreth 6 kilometra), kurse ndodhet përballë ishullit të Korfuzit. Për të shkuar atje duhet të keni veturë ose me taksi, megjithatë nuk do të pendoheni në asnjë moment, shkruan albinfo.ch.
Plazhi është i vogël, por uji është i pastër si kristali dhe jo shumë i thellë. Kjo sidomos preferohet nga familjarët për shkak të fëmijëve. Rëra e imtë është një tjetër pasuri e këtij plazhi, ku thuajse të gjithë mbeten të mrekulluar.
Gjithashtu afër ka restorante me ushqime shumë të mira, dhe është një vend perfekt për të kaluar një ditë, apo edhe më shumë. Në fluksin e madh edhe shtretërit janë të zënë dhe duhet të shkoni para orë 9 të mëngjesit për t’u akomoduar. Turistët e huaj mbeten të fascinuar me çmimet, por edhe me bukurinë.
Vendësit thonë se emri “Pema e Thatë” ka mbetur për shkak të një peme, që ndodhej në ujë afër plazhit. Pema ishte disa qindra vjeçare, por nuk është më.
Rrugës gjithashtu mund të vëreni që nuk ka shumë bunkerë të ndërtuar në kohët e Enver Hoxhës. Ato janë shkatërruar për t’u shitur për hekur dhe vetëm rreth detit kanë mbetur, pasi Enver Hoxha mendonte se rreziku vjen nga deti.
Nëse kaloni ditë në Ksamil dhe dëshironi një vend më ndryshe, atëherë patjetër se duhet të vizitoni këtë plazh dhe nuk do të mbeteni të zhgënjyer.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?