PDK i përgjigjet pozitivisht ftesës së Kurtit e Osmanit për takim

Mediat kosovare shkruajnë se Partia Demokratike e Kosovës i është përgjigjur pozitivisht ftesës për takim të fituesve të zgjedhjeve të 14 shkurtit, Albin Kurtit dhe Vjosa Osmanit, lidhur me konstituimin e institucioneve.

Ky subjekt politik qëndrimet rreth formimit të institucioneve do t’i bëjë të ditura në këtë takimi, i cili do të mbahet të hënën e 15 marsit.

Kështu ka thënë në një përgjigje zëdhënësi i PDK-së, Avni Bytyçi dhe nënkryetari i kësaj partie Memli Krasniqi, i cili ka konfirumar, se kjo parti do të marrë pjesë të hënën në takimin e thirrur nga Kurti e Osmani.

“PDK-ja do të marrë pjesë në takimin e ftuar të hënën. Si parti kryesore opozitare, qëndrimet tona rreth formimit të institucioneve do t’i bëjmë të njohura në takim”, ka thënë Krasniqi/

“PDK do të marrë pjesë në takimin e ftuar të hënën. Si parti kryesore opozitare, qëndrimet tona rreth formimit te institucioneve do t’i bëjmë të njohura në takim” është shprehur Bytyçi.

Kandidati për kryeministër i Lëvizjes Vetëvendosje, Albin Kurti dhe e propozuara për presidente nga lista e VV-së, Vjosa Osmani, të enjten i kanë bërë ftesë ushtruesit të detyrës së kryetarit të Partisë Demokratike të Kosovës, Enver Hoxhaj, kryetarit të LDK-së, i cili do të zgjidhet më 14 mars si dhe kryetarit të Aleancës për Ardhmërinë e Kosovës, Ramush Haradinaj, për takime konsultative pas certifikimit të procesit zgjedhor.

Takimet pritet të zhvillohen të hënën e 15 marsit.