Parlamenti, kundër braktisjes së energjisë nukleare

Për deputetët, me shumicë të djathtë, nuk mund të bëhet fjalë për nxjerrjen e centraleve atomike nga funksioni pas 45 vjet pune të tyre

Dhoma Nacionale e Parlamentit të Zvicrës i ka dhënë përgjigjen negative kërkesës për braktisje të shfrytëzimit të energjisë nukleare, të bërë nga Partia e Gjelbër. Edhe pse kjo dhomë parimisht është pro ndalimit të energjisë së përmendur, ajo mendon se për një gjë të tillë nevojitet edhe një kohë.

Kundër iniciativës kanë votuar 120 ndërsa pro saj 71 deputetë. Kjo epërsi nuk ka ardhur e befasishme, shkruan nzz.ch. Vetëm një ditë më parë në një konsultim rreth strategjisë për energjinë, kjo dhomë është shprehur kundër një kufizimi kohor të të gjitha centraleve nukleare në Zvicër.

Për deputetët, me shumicë të djathtë, nuk mund të bëhet fjalë për nxjerrjen e centraleve atomike nga funksioni pas 45 vjet pune të tyre. Për këtë arsye Dhoma Nacionale u rekomandon votuesve që të votojnë kundër iniciativës së të Gjelbërve për braktisje ë energjisë nukleare.