Parlamenti Evropian miraton raportin për Kosovën me mbi 400 vota pro

Raporti për Kosovën kalon me shumicë të gjerë në Parlamentin Evropian

Raporti i hartuar nga eurodeputeti Riho Terras u mbështet nga shumica e deputetëve evropianë. Në dokument theksohet rëndësia e reformave dhe dialogut me Serbinë në rrugën drejt integrimit evropian, përcjell albinfo.ch.

Parlamenti Evropian ka miratuar raportin për Kosovën, të përgatitur nga eurodeputeti Riho Terras, me një shumicë të konsiderueshme votash.

Sipas rezultateve zyrtare, 412 deputetë votuan në favor të raportit, 174 votuan kundër, ndërsa 58 abstenuan.

Lajmin e bëri të ditur vetë Terras përmes një postimi në rrjetin social X, ku vlerësoi rëndësinë e vazhdimit të reformave dhe procesit të dialogut të ndërmjetësuar nga Bashkimi Evropian.

“Reformat e vazhdueshme dhe progresi në dialogun e lehtësuar nga BE-ja mbeten thelbësore në rrugën drejt BE-së”, ka shkruar ai.

Raporti paraqet vlerësimin e Parlamentit Evropian për zhvillimet politike, ekonomike dhe institucionale në Kosovë, duke theksuar sfidat dhe progresin në procesin e integrimit evropian./Albinfo.ch

https://x.com/RihoTerras/status/2067210620009664871?ref_src=twsrc%5Etfw%7Ctwcamp%5Etweetembed%7Ctwterm%5E2067210620009664871%7Ctwgr%5E596ba6b8f4d27673119195fba634cf982bbe9fdb%7Ctwcon%5Es1_&ref_url=https%3A%2F%2Fsinjali.com%2Fparlamenti-evropian-miraton-raportin-per-kosoven%2F

---