Paraqitja në shoun „Schweizer Talente“ u bë hit në internet

Se durimi është me të vërtetë një virtyt, duhet të ketë mësuar juria në shoun e talenteve zviceranë „Schweizer Talente“, e cila nuk tregoi durim të madh për “performancën” e artistes Connie.

Ajo donte të tregojë më shumë për talentin e saj, por në fillim nuk i ka bindur anëtarët e jurisë.
Katër anëtarët e jurisë nuk kanë treguar as dëshirën dhe as durimin për të përfunduar Connie vizatimin me shkumës në dërrasë dhe mori katër “jo”, e cila automatikisht do të thotë eliminimin e saj.

Por Connie nuk u ndal me punën e saj, pas së cilës juria shprehu keqardhje për vendimin dhe vendosi që artistja të vijë në rundin e ardhshëm.

Performanca e saj u përhap me shpejtësi në rrjetet sociale dhe shkaktoi admirim, por edhe zemërim për jurinë, të cilët nuk kishin durim për të parë se çfarë fshihet në vizatim e saj.