Lajme
Pandemia mund të zgjasë deri në dy vjet, thotë shefja e OBSH-së në Kosovë
Drejtoresha e Zyrës së OBSH-së në Kosovë, Isme Humolli, ka thënë se rritja e numrit të rasteve me COVID-19 ka qenë e pritshme, por jo deri në këtë masë siç po ndodh në Kosovë.
Në edicionin special në Klan Kosova, ajo ka thënë se institucionet përkatëse duhet jenë të përgatitura dhe të përpilojnë strategji dhe qytetarët t’i respektojnë rekomandimet, përcjell albinfo.ch.
“Nuk duhet të jetë një studim shkencor për të parë se çfarë po ndodh. Rritja e numrit të rasteve është pritur pas çlirimit të masave, por jo deri në këtë masë siç po ndodh në Kosovë. Ajo që po ndodh është në lidhshmëri me mosrespektimin e masave që janë alfa dhe omega në parandalimin e sëmundjes. Kjo në Kosovë nuk është duke ndodhur – po vërehet një injorim nga ana e qytetarëve dhe nuk po respektohen rekomandimet e institucioneve përkatëse. Covid-19 karakterizohet me një shkallë të përhapjes dhe me një shkallë të lartë të infektueshmërisë – kjo është arsyeja pse përhapet kaq shpejt. Nëse nuk i ndërmarrim masat parandaluese, rritja është e menjëhershme”.
Sipas saj, çdo largim nga masat e rekomanduara, ndikon deri te rritja e numrit enorm të rasteve siç po ndodh në Kosovë.
“Masat ndoshta nuk janë të vonuara, por në kohë kur është bërë lirimi i masave, është dashur të kërkohet nga pronarët e kafeneve dhe nga qytetarët që ta mbajnë distancën fizike dhe maskat”.
Humolli shton se edhe vendimet politike jostabile, po shkaktojnë paqartësi te qytetarët.
“Nuk mund të them se është dështim i shtetit duke pasur parasysh se në ligjet në fuqi ka mangësi shumë të mëdha, sidomos në aspektin e dënimeve. Merret një vendim nga MSH dhe menjëherë e quajnë antikushtetues. Kjo po shkakton një paqartësi se cilat vendimet duhet t’i respektojnë qytetarët e Kosovës”.
Madje, sipas saj, pandemia mund të zgjasë deri në dy vjet.
“Kjo është një situatë, e cila nuk pritet të përfundojë shpejt, më së paku pritët që të zgjatë 1 deri në dy vjet. Nuk do të ketë normalitet sikur para Covid-19. Kjo do të lidhet me vendosjen e masave dhe distancën. Edhe unë e kam pasur të vështirë ta mbaj maskën, por pas një kohe të shkurtër mësohemi me të”.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?