Lajme
Pandemia COVID-19, 130 milionë njerëz më shumë në botë nuk kanë ushqim të mjaftueshëm
Në vitin 2021, varfëria do të rritet në nivele që nuk janë parë kurrë prej një dekade dhe qeveritë do të përpiqen t’i përgjigjen kësaj krize.
Banka Botërore parashikon se pandemia COVID-19 do të rrisë me deri në 150 milionë numrin e njerëzve ekstremisht të varfër, që jetojnë me më pak se 1.90 dollarë në ditë.
Nga viti 1990 deri në 2019, numri i tyre ra nga 36 për qind e popullsisë së botës në 8 për qind. Tani, ai është duke u rritur për herë të parë që nga viti 1998. OKB thotë se 240 milionë deri 490 milionë njerëz në 70 vende do të mbeten në “varfëri shumëdimensionale”, që përfshin mungesën e strehimit bazë ose fëmijë të uritur.
Pjesa më e madhe e të varfërve të rinj do të jenë në Azinë Jugore dhe Afrikën Nënsahariane. Të varfrit e qytetit do të jenë në gjendje më të vështirë se të varfrit në zonat rurale, sepse ata nuk mund ta sigurojnë vetë ushqimin dhe kanë tendencën të punojnë në sektorë informal që nuk janë rimëkëmbur shpejt nga pandemia.
Shumë personave iu mbaruan kursimet në vitin 2020. Pjesëtarët e familjes jashtë vendit ndalën së dërguari para. Shumë njerëz shitën sende vetjake me vlerë, si bizhuteri. Miliona do të kthehen në fshatrat e tyre. Shumë fëmijë do të lënë shkollën për të punuar.
Programi Botëror i Ushqimit i OKB-së parashikon se uria akute do të dyfishohet deri në fund të vitit 2020: 130 milionë njerëz më shumë nuk do të kenë ushqim të mjaftueshëm. Pasojat afatgjata do të jenë të tmerrshme, veçanërisht për fëmijët e vegjël, rritja fizike dhe zhvillimi mendor i të cilëve do të vonohen. Ndërprerja e kujdesit shëndetësor nga pandemia do të thotë se më shumë nëna do të vdesin gjatë lindjes dhe më shumë njerëz do të vdesin nga sëmundje kronike, si diabeti dhe sëmundje të parandalueshme si malaria, në vitin 2021.
E gjithë kjo vuajtje do të përkeqësojë paqëndrueshmërinë politike dhe trazirat shoqërore. Shtetet e brishta në prag të konflikteve të armatosura, do të përjetojnë përleshje. Disa mund të përshkallëzojnë në luftë civile. Rritja e pabarazisë dhe zhgënjimi në masë mund të çojë në protesta. Dhe në një kohë kur pothuajse çdo shtet po përballet me krizat e veta brenda vendit, përpjekjet për të ndihmuar kombet më të rrezikuara do të jenë të kufizuara. Në hijen e pandemisë, murtaja e varfërisë do të përhapet edhe më tej. /Monitor
Të ngjashme
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri