Panairi i 86-të i veturave: Më shumë vizitorë se vitin e kaluar

687.000 persona kanë vizituar panairin e 86-të “International Motor Show” në Gjenevë.

Bëhet fjalë për 0.7 për qind më shumë se vitin e kaluar. Pak më shumë se gjysma e vizitorëve, sipas një sondazhi, erdhën nga vendet jashtë Zvicrës, 30 për qind erdhën nga Franca fqinje, gjashtë për qind nga Italia, tre për qind nga Gjermania dhe nëntë për qind nga vendet e tjera.
Organizatorët janë të kënaqur me rezultatin.

“Ne festojmë këtë vit për një panair të madh”, tha shefi i panairit, Maurice Turrettini.
Panairi i ardhshëm “International Motor Show” do t’i hapë dyert nga 9 deri në 19 mars të vitit 2017.