Me 5.8 milionë në vit, pagat e menaxherëve zviceranë, më të lartat në Evropë

Por, në krahasim me “kolegët” e tyre në SHBA, shefat zviceranë kanë paga goxha modeste. Atje, kryemenaxherët e koncerneve të mëdha kanë fituar mesatarisht nga 16.4 milionë franga

GRAFIK --- Rangliste der bestverdienenden Konzernchefs in der Schweiz (90 X 112 mm hoch) vom Donnerstag, 23. Maerz 2016. (KEYSTONE/Gerhard Riezler)

Kryemenaxherët e 30 kompanive më të mëdha të Zvicrës kanë fituar vitin që shkoi mesatarisht nga 5.8 milionë franga. Kjo tregon se fitimi i tyre është rritur për 1 për qind në krahasim me vitin paraprak, shkruan agjencia e lajmeve e Zvicrës sda, duke iu referuar ndërmarrjes këshillimore “Willis Towers Watson”.

Pagën më të madhe fikse gjatë vitit 2015 e ka fituar shefi i bankës më të madhe zvicerane UBS, Sergio Ermotti, gjithsej 14 milionë franga. Në radhë vijnë pastaj shefi i Novartis-it , Severin Schwan me 11.4 milionë, ai i Roche-së, Joseph Himenez (11.3 milionë) etj. Në fund të kësaj liste ndodhet shefi i Swisscom-it, Urs Schäeppi me “vetëm” 1.6 milion franga.

Ndërsa mesatarja e pagave të shefave të 8 koncerneve zvicerane që radhiten në mesin e 50 kompanive më të mëdha evropiane të përfshira në indeksin e bursave Dow Jones Stoxx, gjatë vitit 2015 ka qenë 9.9 milionë franga. Kjo është për 3.3% më shumë se në vitin 2014. Ata nga vendet tjera evropiane kanë fituar mesatarisht 7.3 milionë franga dhe kanë pasur një rënie për 4% në krahasim me vitin paraprak.

Raporti i “WTW” po ashtu ka konstatuar se menaxherët e lartë zviceranë janë më të paguar se homologët e tyre në shtetet tjera evropiane. Por, në krahasim me “kolegët” e tyre në SHBA, shefat zviceranë kanë paga goxha modeste. Atje, kryemenaxherët e koncerneve të mëdha kanë fituar mesatarisht nga 16.4 milionë franga