Operacioni i shkatërrimit të bandës në Austri kryhet me sukses, në pranga ka edhe shqiptarë

Shkatërrohet banda nga policia speciale e Austrisë, sekuestrohen 1.3 kg kokainë, mes të arrestuarve, edhe shqiptarë

Mediat austriake raportojnë se policia e qarkut Güssing zhvilloi një operacion të madh antidrogë në Austri.

Thuhet se rreth 1.3 kg kokainë janë kapur pas operacionit, ndërsa pesë persona me origjinë austriake, siriane dhe kosovare janë arrestuar, përcjell albinfo.at.

Ndërkohë sipas planeve, thuhet se transporti i kokainës ishte planifikuar të kryhej nga Holanda, nëpërmjet Belgjikës dhe Gjermanisë për në Austri.

Theksohet se 22 blerës droge nga rrethet e Güssing, Jennersdorf, Oberëart, Styria Juglindore dhe Hartberg/Fürstenfeld u hetuan dhe u raportuan sipas Aktit të Narkotikëve.

“Nuk ishte e qartë që në fillim se çështja do të merrte përmasa të tilla”, shpjegon komandanti i policisë së qarkut Ewald Dragosits.

Hetimet kishin filluar që në verën e viti 2022, pas informacioneve të marra në rrugë operative.

Kur policia e ndaloi makinën në dalje të autostradës në Ilz të Styrias, rreth 1.3 kilogramë kokainë u kapën në një qese të mbështjellë me plastikë.

Vlera e drogës arrinte në 260 mijë euro, shpjegon komandanti i policisë së qarkut Ewald Dragosits. Pesë të akuzuarit ndodhen aktualisht në paraburgim në burgun e Jakominit në Graz.

 

---