“Nuk ka liri pa siguri”, thonë mbështetësit e ligjit për shërbimin informativ

"Nuk ka liri pa siguri," tha Këshilltari nacional Raymond Clottu (SVP/UDC / NE). Për të, nëse i themi "po" këtij ligji më 25 shtator, do të thotë se "jemi të përgjegjshëm përballë kërcënimeve."

Cilësia e jetës varet nga siguria më e mirë, kështu që ne duhet të forcojmë kapacitetin e shërbimeve të inteligjencës, mbrojti propozimligjin të martën koalicioni në favor të ligjit mbi inteligjencën.

“Nuk ka liri pa siguri,” tha Këshilltari nacional Raymond Clottu (SVP/UDC / NE). Për të, nëse i themi  “po” këtij ligji më 25 shtator, do të thotë se “jemi të përgjegjshëm përballë kërcënimeve.”

Në mënyrë që të kemi mundësi të vazhdojmë të gëzojmë ngjarjet dhe manifestimet e mëdha pa frikë, është thelbësore që të rinovojmë Shërbimin Informativ të Konfederatës, theksoi koalicioni i cili mbledh disa të djathtë dhe disa socialistë.

Aktualisht, ky shërbim nuk mund të bazohet vetëm në informacionin publik ose në dispozicion nga autoritetet tjera. Në të ardhmen, Zvicra nuk do të duhej jetë më kaq e varur nga shërbimet e huaja, tha Ida Glanzmann (CVP/PDC / LU).

Ligji i ri do t`i lejojë shërbimit informativ  të kryejë operacione ndërhyrëse. Nën kushte të përcaktuara, ai do të mund të depërtojë edhe në kompjuterë dhe të kryejë përgjime ose të kërkojë përcjellje me kamera.

Për mbështetësit e tij, ligji në fjalë arrin në një ekuilibër të drejtë mes sigurisë dhe lirive individuale.