Njoftim i ri mbi rregulloren anti-Covid për pasagjerët që udhëtojnë për në Spanjë

Keystone

Duke nisur nga java që vjen, më 23 nëntor 2020, do t’u kërkohet udhëtarëve ndërkombëtarë që të kenë një test negativ PCR deri në 72 orë para hyrjes në Mbretërinë e Spanjës, transmeton albinfo.ch.

Kjo masë u shtohet kontrolleve shëndetësore që po kryhen aktualisht për të gjithë udhëtarët ndërkombëtarë në pikat e hyrjes, si kontrolli i temperaturës dhe kontrolli vizual.

Brenda Formularit të Kontrollit Shëndetësor që çdo pasagjer duhet të plotësojë, tani e tutje do të shtohet dhe kërkesa nëse ata kanë kryer një test PCR negativ brenda 72 orëve para mbërritjes në Spanjë. Dokumenti duhet të jetë origjinal, i shkruar në spanjisht ose anglisht dhe mund të paraqitet në format letre ose elektronik. /Albinfo.ch