Një zviceran në mesin e pengjeve të separatistëve prorusë

Ministri i jashtëm dhe presidenti i Zvicrës Didier Burkhalter, i cili është dhe shef i Misionit të OSBE-së e ka dënuar ashpër mbajtjen në arrest të vëzhguesve

Në mesin e katër pengjeve, vëzhgues të OSBE-së që janë duke u mbajtur nën dhunën e rebelëve prorusë në Ukrainë, ndodhet edhe një zviceran.

“Ne i kemi arrestuar ata. Do të sqarojmë se kush janë, ku ishin duke shkuar dhe arsyen dhe pastaj do t`i lirojmë” ka thënë për agjencinë ruse të informimit interfax kryebashkiaku i qytetit Slawjansk, i njohur si bastion i separatizmit, Wjatscheslaw Ponomarjow.

OSBE kishte humbur të hënën kontaktin me vëzhguesit e saj, që vijnë nga Zvicra, Estonia, Danimarka dhe Turqia.

Ponomarjow ka thënë se të gjithë vëzhguesit janë mirë me shëndet. “Ne u kemi thënë atyre që njëherë për një herë të mos udhëtojnë askund por këta katër u treguan më të guximshëm në synimin e tyre. Natyrisht, ata u arrestuan”.

Ministri i jashtëm dhe presidenti i Zvicrës Didier Burkhalter, i cili është dhe shef i Misionit të OSBE-së e ka dënuar ashpër mbajtjen në arrest të vëzhguesve. “Ky është një sabotim i përpjekjeve ndërkombëtare për të ndihmuar Ukrainën që të tejkalojë krizën. Mbajtja peng e tyre nuk mund të tolerohet. Ajo e minon punën e rëndësishme të misionit vëzhgues”, ka thënë Burkhalter.