Kosova
Një spital gjerman “transportohet” në Prishtinë
Dr. Sattler ka kontaktuar mikun e tij nga Kosova, Dr. Fatos Muhaxhiri, i cili planifikon të ngrejë një seksion të ri në një spital të Prishtinës
Për rrethanat gjermane, pajisjet e spitalit tashmë të mbyllur të qytetit Treuchtlingen janë mbase të vjetra, por ato mund të përdoren edhe gjatë në vende si Kosova. Kështu kishte menduar gjinekologu nga Gunzenhauseni, Dr. Thomas Sattler, i cili ka qenë disa herë në Kosovë dhe i njeh rrethanat e atjeshme, shkruan nordbayern.de.
Dhe, mjeku nuk kishte pritur shumë: një kamion 40 tonësh është mbushur përplot me pajisjet në fjalë dhe tashmë ka marrë rrugën për në Kosovë, transmeton albinfo.ch. Një mjek i atjeshëm synon që me këto pajisje të ndërtojë një seksion spitalor në kryeqytet, në Prishtinë.
Dr. Sattler e ka vizituar shpeshherë Kosovën gjatë 20 viteve të kaluara. Në momentin kur mbyllja e spitalit ishte evidente, ai ka pyetur autoritetet e qytetit se çfarë do të bëhet me pajisjet, dhe ka hasur në mirëkuptim. Sattler ka kontaktuar mikun e tij nga Kosova, Dr. Fatos Muhaxhiri, i cili planifikon të ngrejë një seksion të ri në një spital të Prishtinës, transmeton albinfo.ch.
Gjatë javës së kaluar, ai me kolegë të tij nga Kosova dhe me shtëpiakun e spitalit, ka kaluar rreth një ditë e gjysmë duke çmontuar llampat, që janë rreth 30 vjet të vjetra, të cilat pastaj, bashkë me aparaturat tjera, janë ngarkuar në kamion.
Për këtë aksion ka shprehur kënaqësinë e tij edhe kryebashkiaku i qytetit, Werner Baum. Ai thotë se i vie mirë që pajisjet e spitalit mund të përdoren edhe më tutje në një vend tjetër.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte