Gruaja
Një shqiptare-belge, vë në skenë shfaqjen “Bad boy Nietzsche” në Bruksel
Shfaqja “Bad boy Nietzsche“ me tekst të autorit amerikan, Richard Foreman, u luajt plot dy javë në teatrin e njohur “Océan Nord“ të Brukselit
Sofie Kokaj është emër i njohur i teatrit belg. Ajo ka mbaruar studimet e larta për regji në Insas, më 1995, institut me renome për teatër dhe kinema në Bruksel, në të cilin është mësimdhënëse.
Përvoja e saj artistike është e pasur dhe e larmishme: regjisore, autore, aktore etj.
Lidhjet e para me skenën, Sofia i fillon si studente përmes interpretimit, ku bie në sy talenti i saj. Prirjet për aktrim asaj do t’i mundësojnë të luajë në shfaqjet regjisorëve të shquar belgë: Armel Rousel, Isabelle Pousseur, Jacques Delcuvellerie etj.
Pas diplomimit, Sofia do të hulumtojë dhe do t’i nxisë më tutje ambiciet si regjisore dhe autore.
Në vitin 2000 – 2001 del për herë parë para publikut me shfaqjen “No trace of a place to hide“, përmes së cilës dëshmon aftësitë e veta krijuese. Pastaj ajo do të promovojë me shumë sukses disa shfaqje të tjera, ndër të cilat: “On rendra les grands idéaux à leurs executeurs”, “ Mange ta glace Patti Lee “, “ Bad boy Nietzsche “ etj., duke u prezantuar në teatrot e rëndësishme belge dhe franceze.
Spektaklet e Sofisë janë mirëpritur nga publiku, shtypi, radio dhe televizioni.
Teatri i saj është teatër i angazhuar dhe bashkëkohor. Në të shpalosen temat e kohës: dehumanizimi, varfëria, politika, racizmi, frika, mitet, tabutë tona, pa harruar ëndërat e fëmijëve si një vendstrehim.
Frymëzimin për shfaqjet ajo e gjen duke u nisur nga tekstet e krijuesve të shumtë, ndër të cilët: Pasolini, Godar, Patti Smith, Nietzsche …për t’i zhveshur dhe ndërtuar sipas versionit te saj.
Kjo u pa edhe në shfaqjen e këtyre ditëve “Bad boy Nietzsche“, e cila luajt plot dy javë në teatrin e njohur “Océan Nord“ të Brukselit. Me një tekst të adaptuar të autorit dhe regjisorit amerikan Richard Foreman, shfaqja i kushtohej shkrimtarit të veprës “Kështu fliste Zarathustra“, i cili do të përfundojë në çmenduri kah fundi i jetës së vet. Situatat komike, problemet e pazgjdhura, moskuptimet ofrojnë në këtë shfaqje një histori të artit experimental, po gjithashtu një pasqyrë të deformuar të inkonshiencës (pavetëdoijes) sonë.
Në këtë spektakël kokëfortësitë e paroditë ndeshin temat e thella: etnocidet, imigracionin, pengesat (materiale dhe filozofike), ekzistencën, keqkuptimet ndaj tjetrit, vetminë, raportet me forcën, dashurinë e paformuluar apo që s’formulohet, të moskuptuarit dhe, më në fund, “marrëzinë”.
Regjisorja Sofie Kokaj niset prej ketij teksti, duke ftuar spektatorin në një eksperimentim përmes rrugëtimeve të pavetëdijes sonë.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik