Një meteor shqetëson zviceranët

Sonte, rreth orës 20.50 në qiell është parë një dritë e gjelbër me një lëvizje jashtëzakonisht të shpejtë dhe pastaj është dëgjuar një krismë.

Njerëz të ndryshëm kanë njoftuar në mediet e ketushme dhe në rrjetet sociale se kanë pare diçka të tillë, nga pika të ndryshme të Zvicrës.

Ndërsa eksperti nga observatori në Eschenberg, Markus Grieser ka thënë për 20minuten.ch se bëhet fjalë për një meteor. Marrë parasysh përcjelljen akustike të këtij fenomeni që u pa sonte, ka qenë e mundur që ai të ketë prekur edhe tokën”. Fenomeni i njëjtë është parë edhe në vende të ndryshme të Gjermanisë jugperëndimore dhe të Austrisë.