Lajme
Nisin provat e vaksinës anti-Covid në Gjermani
Nisin provat e vaksinës anti-Covid te njerëzit, deri në fund të vitit mund të prodhohen miliona doza
Është bërë e ditur se një kompani gjermane në bashkëpunim me gjigantin farmaceutik amerikan, Pfizer, kanë nisur provat te njerëzit për një vaksinë anti-Covid, me të cilën mund të furnizohen miliona doza deri në fund të vitit. Wall Street Journal raporton se sipas Pfizer, testimet e vaksinës eksperimentale do të nisin javën e ardhshme në SHBA dhe një vaksinë mund të jetë e gatshme për përdorim urgjent në vjeshtë, përcjell albinfo.ch.
BioNTech me bazë në Mainz raportoi se grupit të parë të pjesëmarrësve u janë dhënë disa doza të vaksinës eksperimenatale. “12 pjesëmarrës në studim janë vaksinuar me vaksinën e mundshme BNT162 në Gjermani që nga nisja e studimit në 23 prill 2020”, ka deklaruar kompania.
Duhet theksuar se ende nuk ka asnjë informacion mbi rezultatet e saj. BioNTech thotë se rreth 200 vullnetarëve të shëndetshëm nga mosha 18-55 vjeç do t’u jepen doza të ndryshme nga 1-100 mikrogram për të gjetur dozën optimale për studimet e mëtejshme.
Instituti Federal Gjerman për Vaksina dhe Barna Biomjekësore miratoi testimin e vaksinës më 22 prill.
“Kompanitë vlerësojnë se ekziston mundësia për të furnizuar miliona doza vaksinash deri në fund të vitit 2020, duke iu nënshtruar suksesit teknik të programit të zhvillimit dhe miratimit nga autoritetet rregullatore dhe potencialit për të rritur me shpejtësi aftësinë për të prodhuar qindra miliona doza në vitin 2021”, ka thënë Pfizer. /Albinfo.ch
E-Diaspora
-
Medina Jusufi Berisha, punon në profesionin që kishte ëndërruar si fëmijë Medina Jusufi Berisha është stjuardesa më e re në kompaninë ajrore zvicerane CHAIR. Ajo është lindur...
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?