Kosova

Nga sot deri të mërkurën zhvillohet Konferenca e Ambasadorëve të Kosovës

E hënë, 10 Gusht 2026 - 17:00 albinfo.ch
Foto FB: Glauk Konjufca
Në Prishtinë nga sot ka hapur zyrtarisht punimet Konferenca e IX e Ambasadorëve të Republikës së Kosovës, e cila deri më 12 gusht mbledh ambasadorët dhe shefat e misioneve diplomatike dhe konsullore nga e gjithë bota.
Në ceremoninë hapëse, ministri në detyrë i Punëve të Jashtme dhe Diasporës, Glauk Konjufca së bashku me U.D. Presidenten e Republikës, Albulena Haxhiu, Kryeministrin në detyrë, Albin Kurti, anëtarë të kabinetit qeveritar dhe drejtuesit e misioneve tona jashtë vendit, kanë adresuar prioritetet kryesore të politikës së jashtme të Republikës së Kosovës dhe rolin e diplomacisë sonë në një mjedis ndërkombëtar gjithnjë e më kompleks.
“Në fjalën time theksova nevojën për një diplomaci aktive, të koordinuar dhe të orientuar drejt rezultateve, për forcimin e aleancave dhe partneriteteve, zgjerimin e mbështetjes ndërkombëtare, avancimin e integrimit euroatlantik dhe fuqizimin e mëtejmë të pranisë së Kosovës në botë. Konferenca e Ambasadorëve mbetet një prej mekanizmave kryesorë për vlerësimin e punës së shërbimit tonë të jashtëm dhe përcaktimin e prioriteteve diplomatike për periudhën në vijim”, ka shkruar Konjufca, transmeton albinfo.ch.

 Të tjera nga Kosova

KFOR-i konfirmon fillimin e tërheqjes nga ura e Mitrovicës

 E-Diaspora

 Jeta në Austri