Në Zvicër po zhvillohet gjykimi i parë për terrorizëm islamik

Për herë të parë në Zvicër po zhvillohet një proces gjyqësor ndaj një personi të dyshuar për aktivitete xhihadiste. Para Gjykatës Penale Federale në Bellinzona po përgjigjet një shtetas zviceran 25 vjeçar, i cili qe arrestuar kur po nisej nga Aeroporti i Cyrihut për në zonat e konflikteve në Siri, njofton srf.ch. Pas mbajtjes dy javë në paraburgim, i riu nga Winterthuri qe liruar, por ndaj tij ishte ushtruar kallëzimi penal, në bazë të cilit po zhvillohet procesi gjyqësor.

Ai ngarkohet se ka pasur për qëllim t`i bashkohet organizatës terroriste të Shtetit Islamik (IS), transmeton albinfo.ch. Më tutje ai akuzohet për shkelje të dyshuar të ligjit të ashtuquajtur të IS-it dhe për mbështetje të një organizate kriminale.

Aktualisht në Prokurorinë Federale janë në përpunim 46 procedura penale në lidhje me terrorizmin m emotive xhihadiste.

Bëhet e ditur se gjatë shkurtit nga Zvicra nuk ka udhëtuar asnjë person nga Zvicra me synime terroriste.