Tematike
Në vitin 2020, 10% më shumë të vdekur se më 2019: Ky është “bilanci” i koronës
Në vitin 2020 në Zvicër kishte 8.6 vdekje për 1000 banorë. Në dhjetë vitet e mëparshme (2010 deri në 2019) kjo normë ishte mesatarisht 7.9
Në Zvicër, vitin e kaluar kanë vdekur midis 74,500 dhe 75,500 njerëz persona. Kjo shifër ishte për 10 për qind më e lartë se në vitin e kaluar, tregojnë numrat provizorë nga Zyra Federale e Statistikave (BFS) që i ka botuar sot gazeta “SonntagsBlick” dhe është marrë edhe nga gazetat dje mediat tjera zvicerane.
Sigurisht që pandemia e koronavirusit ka lënë gjurmët e saj në këtë drejtim pasi një pjesë e konsiderueshme e rritjes së numrit të vdekjeve ka ndodhur për shkak të sëmundjes së mushkërive Covid-19.
Zyra Federale për statiistikë (BFS) publikon vazhdimisht numrat e vdekjeve në Zvicër, të ndarë sipas javës kalendarike, kantonit dhe moshës, por, pavarësisht nga shkaktari i vdekjes.
Numri i vdekjeve të regjistruara në vitin 2020 paraqet numrin më të lartë që nga gripi spanjoll në vitin 1918, transmeton albinfo.ch.
Sigurisht, marrë parasysh popullatën, e cila gjatë 100 vjetëve të fundit është rritur më shumë se dyfish, (nga 3.9 milionë në 8.7 milionë), numri i vdekjeve nga gripi spanjoll, në mënyrë proporcionale ka qenë dukshëm më i lartë.
Veç kësaj, ai ka prekur më shumë moshat nga 20 deri 40 vjeçare, ndryshe nga korona, që shkakton vdekjen e kryesisht të moshuarve mbi 80 vjeç.
Zyra Federale e Shëndetit Publik (BAG) ka numëruar 7583 viktima nga Covid-i deri më tani. Nëse këta njerëz kanë vdekur me Covid-19 ose nga Covid-19 është temë e një debati të ashpër.
Ky debat u ndez përsëri pak ditë më parë pasi një 29-vjeçar u shfaq në statistikat e vdekjes në lidhje me koronavirusin.
Në vitin 2020 në Zvicër kishte 8.6 vdekje për 1000 banorë. Në dhjetë vitet e mëparshme (2010 deri në 2019) kjo normë ishte mesatarisht 7.9, përcjell albinfo.ch. Një përjashtim deri më tani ishte viti 2015, me 8.1 vdekje për 1000 banorë.
Ata që nënçmojnë rrezikun e pandemisë humbin argumentin e tyre më të rëndësishëm kur përballen me numrin e vdekjeve “të tepërta” të dëshmuar tashmë edhe statistikisht, transmeton albinfo.ch.
Pietro Vernazza, mjeku kryesor për sëmundjet infektive në Spitalin Kantonal të St. Gallenit, ka qenë njëri nga kritikët e masave të pandemisë. Ai, lidhur me këtë thotë: “Unë kisha nënvlerësuar intensitetin e valës së dytë. Ndërsa gjithashtu kam pritur që efektiviteti i masave të ishte më i lartë “.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri