Në vitin 2018 janë regjistruar 22.1 milionë milionerë në botë

foto ilustrim

Raporti nga Boston Consulting Group (BCG)tregon se në vitin 2018 në botë kishte 22.1 milionë milionerë dhe numri u rrit me 2.1 për qind krahasuar me 2017, shkruan albinfo.ch.

Millionerë së bashku kanë 50 për qind të totalit të fondeve personale në botë, sipas një raporti të titulluar „Global Wealth 2019: Reigniting Radical Growth“.

Shumica e milionerëve janë në Amerikën e Veriut dhe parashikimet tregojnë se midis 2018 dhe 2023 ata do të rriten më shumë në Azi, pa Japoninë, me 10.1 për qind. Pasuar nga Afrika (9.8 përqind) dhe Amerika Latine (9.1 përqind).

Deri në vitin 2023, numri i përgjithshëm i milionerëve në botë duhet të arrijë në 27.6 milionë.

Sondazhi i 19-të vjetor i BCG-së për industrinë globale dhe menaxhimin e pasurisë përfshin madhësinë e tregut për 97 tregje, të cilat së bashku përbëjnë 98 përqind të prodhimit të brendshëm bruto të botës.