Ndihma materiale për kthim të azilkërkuesve, e qëlluar

Kjo ndihmë, sipas qeverisë është një alternativë më njerëzore, më e besueshme dhe me çmim më të ulët, në krahasim me kthimin e dhunshëm

Sistemi i ndihmave financiare për kthim të refugjatëve sipas qeverisë federale të Zvicrës është projekt që ka funksionuar mirë. Që nga hrja në fuqi në vitin 1997, përmes këtij sistemi janë paguar 168 mijë persona që janë kthyer nga Zvicra në vendet e tyre të prejardhjes.

Gjysma e tyre kanë udhëtuar atje në mënyrë të mëvetësishme, që domethënë pa mbështetje financiare të shtetit. Kjo ka mundësuar që të reduktohen shpenzimet e masave të detyrimit.

Ndërsa, sa i përket nivelit të të hollave që janë dhënë për ndihmën me rastin e kthimit, ato janë në mesataren evropiane, thuhet në një komunikatë për shtyp të lëshuar sot nga Këshilli Federal i Zvicrës.

Kjo ndihmë, sipas qeverisë është një alternativë më njerëzore, më e besueshme dhe me çmim më të ulët, në krahasim me kthimin e dhunshëm.

Këtë qëndrim Këshilli Federal e ka bërë publik duke iu përgjigjur një postulati të bërë nga deputeti nacional i FDP-së Philipp Müller, lidhur me koston.