Ndalimi i burkas, arabët anulojnë pushimet në Ticino

Rëndësia e ndalimit nuk duhet të mbivlerësohet. Me 45.000 bujtje, përqindja e vizitorëve nga vendet e Gjirit është vetëm 2.1 për qind prej vëllimit të të ftuarve - dhe vetëm një pjesë e tyre janë veshur me burka apo nikab

Në fillim të korrikut në Ticino ka hyrë në fuqi ndalimi i burkas. Kjo do të ketë ndikim në turizëm: hotelierët raportojnë për anulimet e pushimeve nga arabët.

Frika se ndalimi ka një efekt negativ nga shtetet e Gjirit, duket të jetë e vërtetë.

“Ne kemi marrë anulimet e para të mysafirëve arabë”, thotë Lorenzo Pianezzi, president i Shoqatës së Hotelëve në Ticino për gazeta “Giornale del Popolo”, përcjell albinfo.ch.

Deri më tani tregu arab në Ticino ishte në rritje. Për të respektuar vullnetin e qytetarëve, duhet të zbatohet në mënyrë rigoroze ndalimi i burkas. Përgjegjës për zbatimin është policia në Ticino.
Hotelierët në Ticino, sipas “Tages-Anzeiger”, kanë lënë të kuptohet që mund të lexohet si një thirrje për të mos udhëtuar në kantonin Ticino.
Ticino Turistike supozon “se mysafiret femra që mbulojnë fytyrat e tyre, në të ardhmen do të duhet të shmangin këtë destinacion. Rëndësia e ndalimit nuk duhet të mbivlerësohet. Me 45.000 bujtje, përqindja e vizitorëve nga vendet e Gjirit është vetëm 2.1 për qind prej vëllimit të të ftuarve – dhe vetëm një pjesë e tyre janë veshur me burka apo nikab, transmeton albinfo.ch.