Lajme
Natë luftimesh mes Izraelit e Hamasit, mbi 20 viktima
Ishte një natë luftimesh midis Izraelit dhe Hamasit në Gaza, ku mbi 250 raketa u lëshuan drejt shtetit hebre nga Rripi i Gazës, përcjell albinfo.ch.
Lajmi është konfirmuar nga zëdhënësi ushtarak, sipas të cilit sulmet vazhduan edhe këtë mëngjes në Ashkelon.
Forcat ajrore izraelite goditën 130 objektiva ushtarake në Gaza.
Burimet palestineze raportojnë se mbi 20 persona janë vrarë, përfshirë 9 fëmijë dhe dhjetëra janë plagosur.
Incidentet midis demonstruesve palestinezë dhe policisë izraelite ndodhën në Jerusalemin Lindor.
Protesta pati edhe në vendet arabe në Izrael. Kryeministri izraelit, Benjamin Netanyahu, paralajmëroi se Hamasi kishte kaluar vijën e kuqe, duke sulmuar me raketa Jeruzalemin dhe se shteti hebre do të “përgjigjej me forcë”.
‘Ne nuk do të tolerojmë sulme në territorin tonë, kryeqytetin tonë, qytetarët tanë dhe ushtarët tanë. Ata që na sulmojnë, do të paguajnë një çmim të rëndë”.
Luftimet që filluan dje midis Hamasit dhe Izraelit janë quajtur ‘Operacioni Ruajtës i Mureve’ nga ushtria izraelite. Kjo u raportua nga media lokale, sipas së cilës udhëheqësit ushtarakë supozojnë se do të vazhdojë për disa ditë. Në Gaza, milicët palestinezë kanë ngritur një sallë të përbashkët operacionesh. Në mediat e tyre, lëshimet e raketave drejt Izraelit quhen ‘Operacioni Shpata i Jerusalemit’. Në një video të publikuar në internet, krahu ushtarak i Hamasit tha se Gaza iu përgjigj thirrjes së Jerusalemit. Kjo dhunë sikurse ato të mëparshme, u nxit nga pretendime kontradiktore mbi Jerusalemin, shtëpia e vendeve kryesore të shenjta të Islamit, Judaizmit dhe Krishtërimit. Rrëfimet rivale kombëtare dhe fetare të izraelitëve dhe palestinezëve janë të rrënjosura në qytet, duke e bërë atë thelbin emocional të konfliktit të tyre të gjatë, shkruan A2. Javët e fundit, tensioni ka ardhur duke u rritur në Jerusalem, i shënuar nga përplasjet midis protestuesve palestinezë dhe policisë izraelite në Qytetin e Vjetër me mure, i vendosur në Jerusalemin lindor, të cilin Izraeli e aneksoi më 1967.
Të ngjashme
Të tjera nga Lajme
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë