Muriqi pas fitores ndaj Irlandës: “Ua dedikoj çlirimtarëve tanë, krerëve të UÇK-së”

Sulmuesi i Kosovës shënoi golin e fitores ndaj Irlandës dhe ia kushtoi triumfin e “Dardanëve” ish-krerëve të UÇK-së.

Sulmuesi i Kosovës, Vedat Muriqi, ka qenë vendimtar në fitoren 1-0 ndaj Irlandës, në ndeshjen e zhvilluar në stadiumin “Fadil Vokrri”, përcjell albinfo.ch.

Muriqi shënoi golin e vetëm të takimit në minutën e 84-t, duke i siguruar Kosovës tri pikët në ndeshjen hapëse të Ligës së Kombeve.

Pas ndeshjes, në një deklaratë për Klan Kosovën, Muriqi ka thënë se fitoren ia dedikon çlirimtarëve dhe ish-krerëve të UÇK-së.

“Fitoren veçanërisht ua dedikoj çlirimtarëve tanë, krerëve të UÇK-së”, ka deklaruar Muriqi.

Kosova tani do ta zhvillojë ndeshjen e radhës ndaj Austrisë, të dielën në Vjenë./Albinfo.ch

---