Multimiliarderi Slimm: 3 ditë punë në javë, mjaftojnë!

Ata që do të punonin vetëm tri ditë në javë, do të duhej që në ditët e punës të bënin më shumë orë pune se tadh, gjegjësisht 10 deri 11 orë

Që ta gëzojnë jetën e tyre dhe të jenë produktivë në punë, njerëzit duhet të punojnë vetëm tri ditë në javë, gjegjësisht të marrin në mënyrë të rregullt  “vikende të zgjatura” prej katër ditësh ! Ky propozim ka dalë jo nga ndonjë socialutopist ose ithtar i të majtës por kapitalisti më i madh në botë (mbase pas Bil Gates-it), multimiliarderi meksikan Calos Slim. Modelin e tij i punës prej vetëm tri ditësh pune në javë ai e ka prezantuar si një ide revolucionare në botën e punës. Sigurisht, ata që do të punonin vetëm tri ditë në javë, do të duhej që në ditët e punës të bënin më shumë orë pune se tadh, gjegjësisht 10 deri 11 orë. 

Koha e mbetur prej katër ditësh, thotë Slimm, do të ndahej per familje, arsimim dhe për shfrytëzimin e ideve personale .

Miliarderi do ta ndante fuqinë punëtore në atë mënyrë që gjsma e punëtorëve do të puon nga e hëna deri të mërkurën e gjysma tjetër nga enjtja deri të shtunën.

Slim me këtë propozim të tij ka gëzuar një pjesë të madhe të njerëzve të punësar në gjithë botën. Por në të njëjtën kohë ai “ka krijuar armiq” sepse ka propozuar shtyrjen e moshës së pensionimit. Për shkak të rritjes së mesatares së moshës, ai propozon që mosha e daljes në pension të shtyhet në 70 ose 75 vjet.