MPJD konfirmon lirimin e Sadik Durakut nga burgu i Serbisë

Ministria e Punëve të Jashtme dhe Diasporës njoftoi se Serbia ka liruar nga paraburgimi kosovarin Sadik Duraku, i cili ishte arrestuar më 17 prill 2024 në vendkalimin kufitar Kroaci-Serbi, në Batrovci, nën akuzat gjoja për krime lufte gjatë periudhës së luftës në Kosovë në vitin 1999.

‘Ministria e Punëve të Jashtme dhe Diasporës do të vazhdojë të ndjekë nga afër rastet e tilla, duke njoftuar edhe bashkësinë ndërkombëtare rreth veprimeve arbitrare dhe destruktive të Serbisë, të cilat bien ndesh me konventat ndërkombëtare për të drejtat e njeriut”, thuhet në njoftimin e ministrisë.