Lajme
Mjekët shqiptarë u ofrojnë asistencë shëndetësore shqiptarëve në Gjermani
Mjekët e Diasporës Shqiptare, në ndihmë të komuniteteve në vendin pritës. Shoqata e Mjekëve Shqiptarë në Gjermani, duke u nisur nga situata e krijuar nga koronavirusi, do të japë kontribut për ofrimin e ndihmës shëndetësore për të gjithë shqiptarët që jetojnë në Gjermani.
Është bërë e ditur se Shoqata e Mjekëve Shqiptarë në Gjermani, duke vlerësuar emergjencën ne të cilën ndodhet gjithë bota sot, vendosi të japë kontributin e saj, duke ofruar asistencë shëndetësore për të gjithë shqiptarët që në këto ditë të vështira gjenden në Gjermani, shkruan albinfo.ch.
Gjatë një video konference të zhvilluar me urgjencë mbrëmë, të gjithë mjekët anëtare të shoqatës u dakordësuan për të ofruar këtë ndihmë në komunitet ku ata jetojnë dhe punojnë në mënyrë vullnetare.
Po ashtu, mjekët do t’u vijnë në ndihmë të gjithë shqiptarëve që ndodhen në Gjermani, pushuesve, punëtorëve që shfrytëzojnë periudhën e 90 ditëve të qëndrimit, të gjithë atyre që janë me apo pa vizë (leje qëndrimi), pa mjek familje, pa sigurimin e duhur shëndetësor dhe që nuk dinë mirë gjuhën gjermane.
Shoqata e Mjekëve Shqiptarë në Gjermani ka anëtarë të 11 landëve, nga 16 që janë gjithsej në Gjermani.
Po ashtu mjekët shqiptarë në NRW iu bashkuan menjëherë nismës së Shoqatës së Mjekëve Shqiptarë në Gjermani për t’u ardhur në ndihmë bashkatdhetarëve shqiptare që ndodhen këto ditë të vështira në Nordrhein – Westphalen.
Kushdo që ndodhet në këtë rajon të Gjermanisë dhe ka nevojë për konsultim mund t’i kontaktojë në adresat dhe numrat e telefonit të poshtëshënuara. /Albinfo.ch
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?