Ministri turk flet për vizitën e sulmuesit të Zelandës së Re në Turqi

Ministri i Drejtësisë i Turqisë, Abdulhamit Gjul, theksoi se vizita në Turqi e terroristit, i cili kreu sulm ndaj dy xhamive në Zelandën e Re, ka qenë më shumë se udhëtim turistik, njoftoi agjencia Anadolli.

“Është e qartë se vizita në Turqi nga ana e personave që e kryen sulmin në Zelandën e Re, është më shumë se vizitë turistike”, theksoi Gjul gjatë qëndrimit në agjencinë Anadolli.

Më së paku 50 myslimanë janë vrarë dhe gjithashtu po aq janë lënduar, kur në 15 mars terroristi Brenton Tarant (28), i lindur në Australi, hyri në xhamitë Al Nur dhe Linvud në Krajstçërç dhe me armë zjarri i ka gjuajtur besimtarët, në mesin e të cilëve edhe katër fëmijë më të rinj se 18 vjeç.

Sipas personave zyrtarë turq, terroristi e ka vizituar Turqinë dy herë më 2016, shkruan AlsatM, përcjell albinfo.ch.

“Kompetentët theksuan se e vlerësojnë mundësinë që terroristi të ketë ardhur në vend që të kryejë operacion terrorist ose vetëvrasës”, informoi Anadolli.