Ministri Berset hap punimet e Asamblesë së Organizatës Botërore të Shëndetit

Miratimi i buxhetit dyvjeçar 2020-2021 dhe kujdesi i përgjithshëm shëndetësor me një qasje më të mirë në shërbimet mjekësore përbëjnë thelbin e punimeve të asamblesë

Ministri zviceran Alain Berset, në resorin e të cilit hyn edhe shëndetësia, ka bërë sot në Gjenevë hapjen e Asamblesë së 72-të Vjetore të Organizatës Botërore të Shëndetësisë, WHO. Berset pritet që gjatë punimeve të asamblesë të takohet me ministra të shëndetësisë të vendeve të ndryshme për të zhvilluar bisedime bilaterale, thuhet në një komunikatë të Qeverisë Federale të Zvicrës

Miratimi i buxhetit dyvjeçar 2020-2021 dhe kujdesi i përgjithshëm shëndetësor me një qasje më të mirë në shërbimet mjekësore përbëjnë thelbin e punimeve të asamblesë të cilat zhvillohen nga 20 deri 28 maj 2019.

Edhe më tutje, më shumë se gjysma e popullsisë së botës nuk ka qasje në përkujdesjen shëndetesore bazike.

Në këtë asamble pritet që për herë të parë në 30 vitet e fundit të përpunohet në mënyrë të themeltë klasifikimi i sëmundjeve. Veç tjerash, si sëmundje do të klasifikohen edhe varësia nga videolojërat dhe lojërat online. Ndërkaq, njerëzit transvestitë nuk do të konsiderohen si të sëmurë me “çrregullime mentale dhe të sjelljes”.

Katalogu i përpiluar nga WHO u shërben mjekëve si ndihmesë për bërjen e diagnozës. Ndërsa arkat shëndete¨sore e shfrxtëzojnë shpeshherë këtë katalog si bazë për marrjen përsipër të kostos së shërimit të sëmundjeve të caktuara.

---