Mijëra veta në Cyrih kundër Iniciativës së SVP-së

Pasditën e të shtunës, disa mijëra veta kanë protestuar në Cyrih kundër “Inicativës për Zbatim të Dëbimit të të Huajve Kriminelë”, të njohur si iniciativë e SVP-së

Në një aksion të madh, mbipartiak, por të organizuar nga Partia Socialdemokrate (SP) e Cyrihut, kanë marrë pjesë demonstrues nga shumë parti, lëvizje, sindikata dhe organizata të tjera, njoftojnë meidet zvicerane.Ka marrë pjesë edhe kryebashkiakja e Cyrihut (nga SP), Corine Mauch, e cila ka mbajtur një fjalim.

Ajo ka thënë se çdo i treti banor i Cyrihut ka një prejardhje jozvicerane. Rreth 130 mijë qytetarë të Cyrihut kanë pasaporta të huaja dhe, me iniciativën, ata bëhen automatikisht qytetarë të rendit të dytë.  Për këtë arsye duhet kundërshtuar me vendosmëri “Iniciativën…”

Veç të tjerëve, pjesëmarrës kanë qenë edhe Juso, CVP/PDC, EVP, BDP, Të Rinjtë e Gjelbër, Liberalët e Gjelbër (GLP). AL, Caritas, HEKS, SAH Zürich, Unia, VPPOD dhe GBKZ