​Migrimi ilegal: Kosova e Lituania nënshkruajnë marrëveshje

Foto FB: Donika Gërvalla-Schwarz

Ministrja e Punëve të Jashtme dhe Diasporës në Kosovë, Donika Gërvalla, ka njoftuar se me homologun e saj lituanez, Gabrielius Landsbergis nënshkruan marrëveshje për evitimin e migrimit ilegal përmes ri-pranimit të personave që qëndrojnë pa autorizim në vendet përkatëse.

Gërvalla përmes një postimi në rrjetin social “Facebook” ka shkruar se të dy vendet kanë ndërtuar partneritet të fuqishëm.

“Republika e Kosovës dhe Lituania kanë ndërtuar një partneritet të fuqishëm duke u përqendruar në forcimin e bashkëpunimit në siguri, ekonomi dhe integrimet euroatlantike. Me Ministrin e Jashtëm të Lituanisë, Gabrielius Landsbergis, nënshkruam marrëveshje për evitimin e imigrimit ilegal, përmes ripranimit të personave që qëndrojnë pa autorizim në vendet përkatëse”, ka shkruar ajo, përcjell albinfo.ch.