Lajme
Micheline Calmy-Rey, në Viti, si në shtëpi të vet
Akti më solemn i kësaj vizite ishte shpalosja e pllakës në sheshin me emrin e zonjës Micheline Calmy-Rey, e cila me emocione shpalosi këtë pllakë
Mikpritja që iu bë ish-presidentes së Zvicrës, zonjës Micheline Cylmy-Rey në Viti nga kryetari Sokol Haliti me stafin e tij politik dhe me qytetarët e Vitisë bëri që ajo të ndjehej si në shtëpi të vet. Gjatë parakalimit nëpër qytet ajo hasi në shumë vetura me targa të Zvicrës, por edhe në shumë qytetarë që asaj i drejtoheshin për mirëseardhje në gjuhën franceze e gjermane. albinfo.ch ishte në vendin e ngjarjes prej nga raporton për lexuesit e saj.
Pas pranimit të zonjës Calmy-Rey në Zyrën e Kryetarit Haliti, ku iu nda mirënjohje për gjithë kontributin e saj për Kosovën, së bashku shkuan në sallën e Kuvendit, në shtëpinë e kulturës “Gursel e Bajram Sylejmani”, ku u pritën me tufa lulesh e me flamuj zviceranë nga të rinj e të reja të qytetit të Vitisë.
E shoqëruar edhe nga zëvendësambasadorja e Zvicrës në Kosovë, zonja Anita Schlüchter Roth dhe aktivistë të tjerë lokalë e ndërkombëtarë, zonja Calmy-Rey u bë pjesë e seancës solemne të Kuvendit që iu kushtua pritjes së saj dhe shpalljes qytetare nderi.
Pritje madhështore zonjës Calmy-Rey iu bë edhe në panairin rajonal me titull “T’i mbrojmë vlerat tona tradicionale”, ku ishin të ekspozuara dhumë ushqime tradicionale, si dhe prodhime bujqësore e artizanale nga fermerë e fermere të komunës së Vitisë, raporton albinfo.ch.
Akti më solemn i kësaj vizite ishte shpalosja e pllakës në sheshin me emrin e zonjës Micheline Calmy-Rey, e cila me emocione shpalosi këtë pllakë, për çka publikishit dhe me përzemërsi falënderoi kryetarin Haliti, por edhe gjithë popullin e Komunës së Vitisë.
Gjatë qëndrimit në Viti ajo vizitoi edhe kishën katolike të qytetit ku u prit nga famullitari i saj, Dom Kastriot Idrizi, i cili po ashtu për kontributin e saj në njohjen e Kosovës dhe bashkëpunimin me këtë komunitet, i ndau një mirënjohje.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?