Merkel refuzon pjesëmarrjen në Samitin e G7-ës në Uashington

Screenshot Videokonferenz

Kancelarja gjermane, Angela Merkel, ka refuzuar ftesën e Trumpit për pjesëmarrje në Samitin e G7-ës në Uashigton.

“Kancelarja federale falënderon presidentin Trump për ftesën e tij në Samitin e G7-ës në fund të muajit qershor në Uashington”, ka thënë zëdhënësi i Qeverisë gjermane, Steffen Seibert.

“Marrë parasysh situatën me pandeminë, ajo nuk është pajtuar për pjesëmarrje personale dhe udhëtim drejt Uashingtonit. Ajo natyrisht se do të vazhdojë të vëzhgojë zhvillimet rreth pandemisë”, ka thënë mes tjerash Seibert. Shtëpia e Bardhë ka thënë më 26 maj se Trump beson se nuk mund të ketë “shembull më të mirë të rihapjes” së ekonomisë, pas izolimit të shkaktuar nga koronavirusi, sesa mbajtja e Samitit G7 në Shtetet e Bashkuara, në fund të muajit qershor, përcjell Albinfo.ch.