Kultura
Mediat gjermane për bendin nga Kosova: Të fluturojmë me “Sytë”
"Ata e shikojnë veten si fëmijë të një brezi i cili kudo ndihet në shtëpi të veten. Lëvizja konstante këtu është një imanencë jetësore dhe pasqyrohet edhe në dinamikën e muzikës së tyre"
A është një makinë? Aeroplan apo E-Skuter?! Jo! Janë SYTË. Ose thënë më saktë: bendi ynë i orës së fundit nga Kosova. Së paku kur ne, ashtu ngapak melankolikë, pak ëndërrimtarë dhe disi në mosmarrëveshje me veten, shpresojmë për magjinë… Kështu e fillon artikullin revista elektronike gjermane, e specializuar për muzikë bashkëkohore Noiz.de.
SYTË, janë: këngëtarja Nita Kaja, producenti Drin Tashi, basisti Fatlind Ferati dhe bateristi Granit Havolli. SYTË, është një bend ndërkombëtar: Kaja është në fakt nga Nju-Jorku, ndërsa pjesëtarët e grupit janë gjetur në Prishtinë, Kosovë, ku këngëtarja jeton prej dy vjetësh, transmeton albinfo.ch. Ndërsa emri i bendit është frymëzuar nga shqipja, pra ka kuptimin e syve.
Që nga albumi i parë në korrik të vitit 2018 kanë qenë herë pas here në turne ndërkombëtare. A është ndonjëri prej anëtarëve të bendit “i parrënjë”? Mbase. Ndërkohë që vetë bendi nuk do të thoshte kështu: ata e shikojnë veten si fëmijë të një brezi i cili kudo ndihet në shtëpi të veten. Lëvizja konstante këtu është një imanencë jetësore dhe pasqyrohet edhe në dinamikën e muzikës së tyre, përcjell albinfo.ch. Nga kjo, Kaja nxjerr përfundimin: “Të shpresojmë se nuk do të ndalemi kurrë”.
Lidhjet me muzikën te të katër anëtarët kanë lindur që heret. Basisti Ferati për shembull ka dëgjuar “Red Hot Chilli Peppers” që nga rinia e tij e hershme. Nga ajo kohë ai është basist, pasi që diçka i ka bërë “klick” te kitara bas. Këngëtarja Kaja, në anën tjetër më heret urrente të këndonte, pasi që pas kësaj secilën herë i duhej të qante. Dikur ajo e kishte kuptuar se emocionet e lëna të lira i ndihmojnë në punë të artit, transmeton albinfo.ch. Në këtë mënyrë ajo ia ka dalë që, edhe në formë loje, tekste serioze, emocionale dhe të thella t`i shndërrojë në këngë xixëlluese, të lehta. “Për shembul, kënga “Pink Roses”…
Qëllim i muzikës është edhe t`i aftësojë njerëzit që të bëhen më të vetëdishëm për ndjenjat e tyre… Prandaj ajo thotë: “Lejoni veten të zemëroheni, të urreni ndonjë gjë ose madje edhe të bëheni xhelozë”. Ndjenjat mund të përpunohen pastaj në mënyrë shumë kreative, për shembull përmes artit. Kështu ka ndodhur, fjala vjen, me “SYTË”. Një porosi jo e keqe, shkruan Noizz.de. Para së gjithash kur kompozimet tingëllojnë kështu si në këtë album: të lehta pendël, me një prirje të fortë nga Funk-u dhe xhazi, me refrene të njëtrajtshme dhe me energji të palodhshme.
Albumi i dytë i SYTË pritet të dalë gjatë këtij viti dhe ne mezi po e presim!”, përfundon Noizz.de.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998