Mediat gjermane: Fëmija i vdekur në Berlin është nga Bosnja

KEYSTONE

Kërkimet për rrëmbyesin e Mohamedit të vogël kanë përfunduar me një lajm tragjik. Fëmija është gjetur i pa jetë në Berlin!  Sipas informacioneve nga policia, i dyshimti është arrestuar të enjten në mëngjes. Ai e ka pranuar tashmë se ka kryer veprën makabre kundër 4 vjeçarit.

Ky lajm mori dhenë në mediet shqiptare duke shkruar se fëmija Mohamed Januzi është shqiptar, ndërkohë në anën tjetër mediet gjermane në të gjitha raportet e tyre shkruajnë se ai është refugjat nga Bosnjë dhe Hercegovina.

“Për katër javë rresht, policia nga Berlini  me të gjitha forcat e saj ka kërkuar për ta gjetur dhe shpëtuar jetën e Mohamed Januzit. Por kot, djali nga Bosnja dhe Hercegovina është gjetur i vdekur”, shkruan t-online.de.

Edhe e përditshmja gjermane bild.de në raportin e saj thekson se familja  bashkë më Mohamedin ishin ardhur në Gjermani para dy vitesh nga Bosnja.

“Mohamedi është zhdukur më 1 tetor në duart e rrëmbyesit në ambientet e zyrës shtetërore të Shëndetësisë dhe Çështjeve Sociale. Me të ishte nëna e tij (28 vjeçare) dhe fëmijët (5 muajsh, 4 dhe 9 vjeçarë) dhe rrëmbimi ka ndodhur rreth orës 12 të ditës. Familja kishte ardhur para dy vitesh nga Bosnja në Berlin”, shkruan Bild, transmeton “albinfo.ch”

Në veturën e rrëmbyesit Silvio S. është gjetur trupi i pa jetë i fëmijës.

32-vjeçari nga Brandenburgu ka pranuar se ka bërë edhe vrasjen e fëmijës tjetër Elias nga qyteti i Postdam-it i cili ishte zhdukur prej shumë muajsh më parë.

Në një prononcim të dhënë javë më parë për bild.de, nëna e tre fëmijëve Aldiana thotë se babai i fëmijëve të saj është vrarë në Bosnjë.

“Bosnja nuk ishte më e sigurt për ne. Ne duhet të iknim”, ka thënë ajo. Në Gjermani ajo kërkonte një ardhmëri më të sigurt për fëmijët e saj. Aty ajo u njoh edhe me të dashurin e saj Claudio Dura me të cilin edhe jeton.