Më shumë vjedhje, më pak delikte dhune

Numri i kallëzimeve penale për vjedhje16% më i madh. Ai për delikte dhune, më i vogël për 7%

Gjatë vitit 2011 në Zvicër ka shënuar rënie numri i delikteve të dhunës dhe delikteve seksuale, ndërkohë që janë shtuar vjedhjet. Këtë konstatim e sjell statistika kriminalistike për vitin 2011, e publikuar nga Policia e Zvicrës, duke u bazuar në numrin e kallzimeve të bëra penale.

Numri i kallëzimeve penale për vjedhje është rritur për 16 për qind. Nga ana tjetër numri i atyre për dhunë kundër trupit dhe jetës ka shënuar rënie prej 7 për qind. Veprat penale kundër integritetit seksual gjatë vitit 2011 kanë qenë për 3 për qind më të pakta. Ndërkaq, një rritje prej 2% kanë shënuar deliktet me mjete narkotike. Në Zvicër, gjatë vitit të kaluar ka pasur një shtim prej 10 për qind të shkeljeve të ligjit për të huajt.