Më shumë martesa, më shumë fëmijë, më pak vdekje

Më 2014 janë regjistruar më shumë martesa në Zvicër. Po ashtu raportohet për rritje të numrit të lindjeve, ndërsa statistikat flasin për rënie të divorceve.

Më 2014 janë kurorëzuar 41.200 çifte, 3.6 për qind më shumë se vitin e kaluar.

Rritja është shënuar mes shtetasve zviceranë (4,4 për qind), po edhe mes shtetasve të huaj (3,9 për qind) dhe te çiftet e përziera në nivel vendi (2,4 për qind). Këto të dhëna i ka bërë publike Zyra Statistikore Federale e Zvicrës (FSO).

Që nga viti 2006 numri i divorceve është në rënie. Një trend që vazhdon edhe më 2014. Kështu, numri i divorceve ka shënuar rënie nga rreth 17.000 sa ishte më 2013, në rreth 16.500 më 2014. Kjo paraqet një rënie prej 3.7 për qind.

Zyra Statistikore sjell rezultatet edhe për fëmijët e lindur më 2014.  Janë 83.800 fëmijë që kanë lindur vitin e kaluar. Bëhet fjalë për një rritje prej 1.2 për qind. Megjithatë, ka pasur dallime të mëdha në mes të kantoneve. Më shumë se gjysma e numrit të lindjeve në rritje është regjistruar në kantonin e Obwalden (13,2 për qind) dhe në Thurgau (5.7 për qind). Rënia më e theksuar është regjistruar në Nidwalden (-6,4 për qind) dhe Appenzell (-10,6 për qind).

Si çdo vit, edhe më 2014 kanë lindur më shumë djem (43.100), ndërsa vajza më pak (40.700). Mosha mesatare e nënave, megjithatë vazhdon të rritet. Më 2014 ajo ishte 31.8 vjet, ndërsa më 2013 ishte ende në 31.6 vjet.

Ndërsa më 2014 janë regjistruar 63.600 vdekje.