Me muzikë e valle u festua edhe këtë vit 1 Maji në Parkun e Gërmisë

Ndonëse pati protesta, edhe këtë vit kosovarët zgjodhën të festojnë me shumë në Ditën Ndërkombëtare të Punëtorëve.
Parku i Gërmisë ka qenë destinacion për shumë qytetarë nga komuna të ndryshme të vendit, të cilët zgjodhën që të festojnë Ditën e Punëtorëve.
Edhe këtë vit, qytetarë nga vende të ndryshme të vendit ia mësynë Parkun e Gërmisë në Prishtinë për të festuar. Muzika e vallet nuk munguan as këtë vit nga qytetarët, transmeton albinfo.ch.
Ndonëse shumica të papunë, nuk u mungon dëshira për festë. Shumë prej tyre tregojnë se pothuajse çdo vit e festojnë  1 Majin këtu.