Lajme
Me gjithë protestat, Franca miraton pasaportën e COVID-it dhe rregullat e tjera
Ligji kërkon që të gjithë punëtorët në sektorin e kujdesit shëndetësor të fillojnë të vaksinohen deri më 15 shtator, sepse ndryshe u rrezikohen vendet e punës
Parlamenti i Francës ka aprovuar të hënën kërkesën për pasaporta speciale virusi për të gjitha restorantet dhe udhëtim brenda vendit, duke e bërë njëherësh të detyrueshëm vaksinimin për të gjithë punëtorët e sistemit të shëndetësisë.
Masat kanë shkaktuar protesta dhe tensione politike. Presidenti Emanuel Makron dhe qeveria e tij thonë se masat janë të domosdoshme për të mbrojtur popullsinë e cenuar dhe spitalet për t’iu shmangur izolimit pas ngritjes së rasteve të reja me koronavirus.
Ligji kërkon që të gjithë punëtorët në sektorin e kujdesit shëndetësor të fillojnë të vaksinohen deri më 15 shtator, sepse ndryshe u rrezikohen vendet e punës. Me ligj kërkohet edhe pasaporta shëndetësore për të hyrë në restorante, trena, aeroplanë dhe hapësira të tjera të ngjashme publike.
Pasaporta do të aplikohet fillimisht për të gjithë të rriturit, por do të aplikohet edhe për të gjithë ata që janë 12 vjeç dhe më të mëdhenj, që prej 30 shtatorit. Për të marrë pasaportën, qytetarët duhet të kenë dëshmi se janë vaksinuar plotësisht, ose se së fundmi kanë dalë negativë në teste ose se janë shëruar nga virusi.
Me ligj është vendosur që Qeveria të përcaktojë se si do të rregullohet çështja e dokumenteve të vaksinimit nga vendet e tjera.
E-Diaspora
-
Kosovari para gjyqit, ka sulmuar çiftin homoseksual I akuzuari i goditi ata në duar dhe i quajti, ndër të tjera, “homo të neveritshëm”...
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
Jeta në Austri
-
Çfarë është e hapur dhe çfarë është e mbyllur në “Ditën e Ngjitjes” në Austri? Të enjten është Dita e Ngjitjes, ose Christi Himmelfahrt në gjermanisht, një nga shumë festat publike...
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?