Shkurt.ch
Më 2050 më shumë njerëz do të jetojnë në qytete
Qyteti me më së shumti banorë në botë mbetet Tokio.
Popullsia po rritet në botë, sidomos në qytete. Ndërsa numri i njerëzve nëpër fshatra po shënon rënie. Shumë qytete janë mbipopulluar, sidomos në Azi dhe Afrikë. Në vitin 2050, sipas një studimi të ri të OKB-së, dy nga tre njerëz do të jetojnë në qytete në mbarë botën.
100 vjet më parë, në vitin 1950, kanë qenë vetëm 30 për qind që kanë jetuar në qytete, siç është raportuar nga Kombet e Bashkuara në Nju-Jork. Aktualisht, përqindja e banorëve urbanë është rritur për 54 për qind.
Qyteti me më së shumti banorë në botë mbetet Tokio. Megjithatë, numri i njerëzve që jetojnë në Tokio, sipas studimit, do të bie për gjatë 15 vjetëve të ardhshëm nga 37.8 në 37.2 milionë banorë. Ndryshe nga qytetet e tjera të mëdha, në Tokio çdo gjë është organizuar shumë mirë. Qyteti është i sigurt dhe i lirë me një trafik që funksionon si ora zvicerane. “Një tren ndalon çdo 90 sekonda. Gjatë kësaj kohe qarkullojnë qindra njerëz që dalin dhe hyjnë për t’i bërë vend njëri-tjetrit”, thotë një gazetar në Tokio.
New Delhi është qyteti i dytë aktual me numrin më të madh të banorëve, ku është paraparë rritja e theksuar e qytetarëve deri në vitin 2030, nga 24.9 milionë, në 36 milionë banorë. Zona e tretë më e madhe metropolitane është Shanghai, tani me 23 milionë, ndërsa më vonë deri 30.7 milionë, siç është raportuar nga OKB-ja.
Pjesa më urbane e tokës është aktualisht në Amerikën e Veriut. 82 për qind e të gjithë njerëzve jetojnë në qytete. Më pas vijnë evropianët me 73 për qind. Në Afrikë vetëm 40 për qind e njerëzve jetojnë në qytete, ndërsa në Azi vetëm 48 për qind. Deri në vitin 2050 kjo shifër do ta kalojë 56 përqindëshin, ndërsa në Afrikë dhe në Azi 64 përqindëshin.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë