Më 2018 pritet të dyfishohet buxheti federal për emigracion

Për shkak të krizës së refugjatëve, kostot e azilit në Zvicër pritet të dyfishohen në vitet e ardhshme. Konfederata do të sigurojë rreth 2.4 miliardë franga për fushën e migracionit në vitin 2018.
“Ne kishim planifikuar një buxhet prej 1.2 miliardë frangash për vitin 2015. Aktualisht, kemi në plan të dyfishojmë këtë shumë për vitin 2018, pra gati 2.4 miliardë”, theksoi të enjten për radion SRF “HeuteMorgen”, Serge Gaillard, kreu i Administratës federale të financave.

“Në situatën e pasigurisë aktuale, Konfederata përsëri llogarit afro 40.000 azilkërkues për vitin 2016. Secili aplikant do të kushtojë rreth 20.000 franga në vit dhe kjo për pesë deri në shtatë vjet”, informon z. Gaillard, përcjell albinfo.ch.

Dhe, “shpenzimet mund të bien shumë ngadalë edhe kur kriza do të qetësohet”.
Këshilli Federal ende mendonte se shpenzimet e azilit për vitet 2017-2019 do të tejkalonin për 450 milionë franga buxhetin e planifikuar.