Masa shtesë për mbrojtje nga pedofilia

Fëmijëve dhe personave me të meta duhet tu sigurohet mbrojtje më e mirë nga deliktet seksuale dhe deliktet tjera të dhunës. Për të realizuar këtë mbrojtje, Qeveria Federale e Zvicrës  propozon disa ndryshime të ligjeve që rregullojnë këtë fushë.

Këto propozime qeveria i bën si kundërpërgjigje ndaj iniciativës popullore e cila kërkon që pedofilët e dënuar të mos kenë të drejtë kurrë më të punojnë me të mitur ose me persona tjerë të varur.

Aktualisht, ndalimi i ushtrimit të profesionit mund t`i shqiptohet dikujt vetëm në rast se ai e ka kryer veprën penale gjatë ushtrimit të atij profesioni.

Qeveria madje synon të shkojë më larg se ajo që kërkon iniciativa popullore: kërkon që personave të dënuar t`u ndalohet edhe puna në shoqëritë sportive. Dhe kjo, jo vetëm për deliktet seksuale por edhe për aktet tjera të dhunës.