Masa për mbrojtje nga dumpingu i pagave

Ndër anomalitë që duhen luftuar, është paraqitja e firmave fiktive të ndërtimtarisë, të cilat shkaktojnë dumpingun e të ardhurave

Këshilli i kantoneve në një mbledhje të mbajtur sot ka kërkuar ashpërsim sa më të shpejtë të masave për mbrojtje nga abuzimi me lirinë e lëvizjes.

Ky këshill ka votuar një mocion përmes të cilit Qeveria Federale detyrohet që propozimet e tij në këtë drejtim t`i paraqesë para parlamentit si masa për miratim më së largu deri në fund të shkurtit 2012.

Ndër anomalitë që duhen luftuar, sipas këshillit, është paraqitja e firmave me mëvetësi fiktive, të cilat shkaktojnë dumpingun e të ardhurave. Kohëve të fundit ka një rritje të firmave të tilla fiktive nga vendet e BE-së, sidomos në sferën e ndërtimtarisë. Ato nuk i nënshtrohen marrëveshjes kolektive të punës, e cila vlen për ndërmarrjet zvicerane.