Macron: Vaksinat shpëtojnë jetë, COVID-19 vret

Ai kujton se vaksinimi është “arma e vetme” përballë valës së katërt të COVID-19, me pak a shumë se 42 milionë franceze dhe francezë që kanë marrë një dozë të vaksinës dhe më shumë se 35 milionë që kanë marrë të dyja dozat

Presidenti francez, Emmanuel Macron u përgjigj drejtpërdrejt në TikTok për të gjitha pyetjet që qytetarët francezë i bënë atij për vaksinimin, pas manifestimeve kundër pasaportës shëndetësore.

Presidenti francez, me pushime në Bregançon (jug), publikoi në rrjetet sociale një video të shkurtër, të cilën e filmoi vetë, vetëm me një flamur francez në sfond duke kujtuar solemnitetin e funksionit presidencial.

Ai kujton se vaksinimi është “arma e vetme” përballë valës së katërt të COVID-19, me pak a shumë se 42 milionë franceze dhe francezë që kanë marrë një dozë të vaksinës dhe më shumë se 35 milionë që kanë marrë të dyja dozat dhe për këtë arsye janë vaksinuar siç duhet, të vaksinuar plotësisht, raporton Afp, përcjell Albinfo.ch.

Për të frenuar rifillimin e valës së katërt të pandemisë të variantit Delta, administrata e Macron-it prezantoi një projektligj në parlament që detyron kalimet shëndetësore që dëshmojnë se jeni vaksinuar, shëruar ose testuar negativ për COVID-19 për ata që dëshirojnë të hyjnë në vende të tilla si restorante, kafene dhe qendra tregtare, si dhe transport publik. Projektligji gjithashtu e bën të detyrueshme që punonjësit e shëndetësisë në qendrat mjekësore të vaksinohen.

Këto masa antiCOVID kanë ndarë popullin francez, me mijëra protestues kundër tyre.

Në videon e dytë, Macron iu përgjigj një komenti nga një përdorues i cili tha nëse dikush është i ri dhe me shëndet të mirë, nuk ka nevojë të vaksinohet.

Macron theksoi se edhe me shëndet të mirë, të rinjtë janë pranuar në urgjencë ose kanë vuajtur nga COVID me simptoma të lodhjes dhe gulçim që mund të zgjasin për muaj me radhë.

“Së fundi, ju nuk merrni vaksina vetëm për veten tuaj, por edhe për familjen tuaj … sepse vaksina mbron prindërit, gjyshërit dhe miqtë tuaj gjithashtu. Vaksinohuni edhe për të tjerët”, tha ai.

Në videon e tretë, ai iu drejtua një mendimi tjetër popullor se vaksinat nuk janë të sigurta dhe 100 për qind efektive dhe ende mund të sëmuren.

“Vaksinat janë miratuar nga shkencëtarët kudo në botë dhe sugjerojnë efikasitet të lartë”, theksoi ai.

“Numrat tregojnë se 85 për qind e personave të shtruar aktualisht në Francë me COVID-19 janë të pavaksinuar. Është e vërtetë që nuk ka asnjë rrezik zero, por kur vaksinoheni, ju zvogëloni jashtëzakonisht rrezikun e infektimit me COVID. Vaksinat shpëtojnë jetë, COVID vret”, shtoi Macron.

 

---