Luanesha “adopton” antilopën

Ajo pak më parë i ka hëngër nënën por ka vendosur ta mëshirojë të birin. Bëhet fjalë për një luaneshë diku në Afrikë e cila ka shuar urinë me një antilopë dhe, sigurisht tashmë e ngopur, ka vendosur të “adoptojë” vogëlushin e antilopës.

Plot 45 minuta kanë qëndruar sy më sy luanesha dhe antilopa e vogël  deri sa kjo e fundit ka bërë një veprim të papritur, duke iu hedhur “në përqafim”. Në këtë mënyrë siç duket ajo ka ngjallur te bisha e egër instinktin amnor, aq sa ajo, nga vrasëse është bërë një mace e butë lozonjare.

Në natyrë ndodh herë pas here që luaneshat të adoptojnë të vegjlit e drerëve ose antilopave. Por të shumtën e rasteve rrëfimi merr përfundim tragjik për kafshën më të dobët. Qoftë për faktin se ato ngordhin nga uria ose në rastet kur bien pre e luanëve tjerë, kur largohen nga përkujdesja e “nënës”.  

Antilopa e vogël e rrëfimit tonë është parë në gjendje të mirë shëndetësore edhe disa ditë pas “birësimit” të saj nga luanesha.